عبدالسميع ميمڻ
عبدالسميع ميمڻ
عبدالسميع ميمڻ: والي بال جي مشهور رانديگر عبدالسميع ميمڻ 28 فيبروري 1938ع تي تعلقي دادو جي ڳوٺ دوآٻي ۾ عبدالهادي ميمڻ جي گهر ۾ جنم ورتو. ابتدائي تعليم ڳوٺ ۾ حاصل ڪرڻ بعد مئٽرڪ پرمانند هرداس مل هاءِ اسڪول دادو مان ڪيائين. جنهن بعد تعليم کاتي ۾ ملازمت اختيارڪيائين، جتان آفيسر جي حيثيت سان رٽائر ڪيائين. والي بال راند جي شروعات هاءِ اسڪول ۾ پڙهڻ دوران ڪيائين. راند ۾ تربيت استاد محمد وريل سومري ڪئي. ڪجهه عرصو غالب ٽيم ۾ پريڪٽس ڪرڻ بعد 1956ع ۾ قربان ڪلب جو ميمبر ٿيو. هن جو ڇاتي وٽان بال کي ڌڪ هڻڻ وارو انداز ٻين اڪثر رانديگرن جي ڀيٽ ۾ منفرد رهيو، جو هن انداز ۾ اڪثر رانديگر ناڪام رهندا آهن، پر هن انهي انداز ۾ ڪاميابي ماڻي پنهنجو الڳ مقام جوڙيو. قربان ڪلب جي ڪاميابي ۽ مقبوليت ۾ سندس اهم ڪردار رهيو آهي، قربان ڪلب کي اختلافن ۽ ڀڃ ڊاهه کان بچائڻ ۾ سندن نيڪ نيت ۽ ڏاهپ جو ڪمال آهي، جو اڄ تائين هي ڪلب ڪاميابي سان سرگرميون جاري رکيو اچي. عبدالسميع، قربان ڪلب جو ڪئپٽن، جنرل ڪئپٽن ۽ سيڪريٽري رهي چڪو آهي. هن وقت وڏي عمر سبب راند ڪرڻ ڇڏي ڏني اٿس، پر ڪلب جو تاحيات ميمبر آهي ۽ ڪلب جي ترقي ۽ ڪاميابي لاءِ جاکوڙي رهيو آهي.
لفظ عبدالسميع ميمڻھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1938.02.28 عيسوي
عبدالسميع ميمڻ 28 فيبروري 1938ع تي تعلقي دادو جي ڳوٺ دوآٻي ۾ عبدالهادي ميمڻ جي گهر ۾ جنم ورتو.
شخصيتون - ڀاڱي جون ٻِيون داخلائون
ڄام مهر علي جوکيوظهير مهدي
حاجي خداداد سرهيو
عبدالرزاق مشرب
ڏيٿو شمشاد اختر ڊاڪٽر
عطيه فيضي
ڀاڳناڻي واشو
سسئي
صمه حاڪم سنڌ
ابراهيم شاهه وڄڙي